Жаз келди! Мектебибизде Нооруз майрамы

«Улус башы — Нооруз» демекчи, мектебибизде жаздын жана жаңыруунун майрамы жогорку деңгээлде өткөрүлдү. Майрамдык салтанаттын алкагында окуучулар кыргыздын каада-салттарын чагылдырган сахналаштырылган көрүнүштөрдү көрсөтүшүп, улуттук оюндар ойнотулду.

Иш-чаранын жүрүшүндө:

• «Сүмөлөк — достуктун символу» бурчу уюштурулуп, майрамдык дасторкон жайылды.
• Окуучулар арасында улуттук ыр-бийлердин конкурсу өттү.
• Мектеп администрациясы жана келген коноктор жалпы жамаатты майрамы менен куттуктап, өлкөбүзгө тынчтык, токчулук жана окуучуларыбызга ийгилик каалашты.

Бул күнү мектеп ичи шаңга бөлүнүп, ата-энелер менен мугалимдердин ортосундагы ынтымак дагы бир ирет бекемделди.