Алиппе майрамынын өткөрүлүшү

Бүгүн мектебибиздин актовый залында 1-класстын окуучулары үчүн эң толкундаткан жана кубанычтуу майрамдардын бири – «Алиппе майрамы» жогорку деңгээлде өткөрүлдү.

Бул иш-чара билим жолуна жаңыдан кадам таштаган жаш жеткинчектердин алгачкы ийгиликтерин белгилөө максатында уюштурулду. Майрамдын алкагында окуучулар өздөрүнүн алгачкы ашуусунан өтүп, сабаттуулуктун башаты болгон «Алиппе» китебин ийгиликтүү аяктагандыктарын далилдешти.